Qanat Bozymbaev ishki naryqqa qajetti janar-jaǵarmaıdyń 1 aılyq kólemin atady

ASTANA. QazAqparat - Kóktemgi egistik jumystaryna qajetti dızelge tapsyrys tolyq kólemde oryndalýda. Bul týraly búgin Úkimet otyrysynda QR Energetıka mınıstri Qanat Bozymbaev málim etti, dep habarlaıdy QazAqarat tilshisi.

«Osy jyldyń basynan búginge deıin munaı ónimderi naryǵynda jaǵdaı turaqty jáne janar-jaǵarmaı tapshylyǵy baıqalmaıdy. Іshki naryqqa qajetti janar-jaǵarmaı rezervteriniń 1 aılyq qory 338 myń tonna benzın jáne 282 myń tonna dızel otynyn quraıdy», - dep atap ótti ol.

Mınıstrdiń aıtýynsha, kóktemgi egistik jumystaryna dızel otynyn jetkizý kestesine sáıkes aýyl sharýashylyǵy taýarlaryn óndirýshilerge 375 myń tonna, onyń ishinde Atyraý zaýyty arqyly 92,3 myń tonna, Pavlodar zaýyty arqyly 195,6 myń tonna jáne Shymkent zaýyty arqyly 87,1 myń tonna kóleminde dızel otyny jetkizilgen. Sonymen qatar dızel otynyn jóneltý josparynyń oryndalýy naýryz aıynda 100 paıyzǵa jaqyn boldy. Al sáýir aıynda 91 paıyzdy qurady. Oǵan tólemderdiń keshiktirýli, jolda bolýy nemese júk tıeý stansalarynyń kólemi sebepker boldy.

«Jalpy, Aýyl sharýashylyǵy mınıstrliginiń tapsyrysyna sáıkes dızel otynyń qajettiligi tolyq kólemde oryndalýda»,- dedi Qanat Bozymbaev.