Qanat Bozymbaev Atyraý oblysyndaǵy sý tasqynyna qarsy kúres sharalaryn tekserdi

<p>ATYRAÝ. KAZINFORM &ndash; <strong>Vıtse-premer Qanat Bozymbaev Atyraý oblysy Inder aýdanynyń Inderbor, Jasýat, Qurylys aýyldarynda, sondaı-aq Mahambet aýdanyna qarasty Mahambet, Saraıshyq, Taldykól aýyldarynda jaǵalaýdy nyǵaıtý jumystaryn tekserdi.&nbsp;</strong><strong>Bul týraly Úkimettiń baspasóz qyzmeti habarlady.</strong></p>

Óńirde sý tasqyny qaýpi saqtalyp tur. Jaıyq-Inderbor jáne Jaıyq-Mahambet gıdrobeketinde sý deńgeıi qaýipti belgiden asyp tústi. Jaıyq ózeninde sý odan ári kóterilýi múmkin. Barlyq qaýipti ýchaskelerde táýlik boıy kezekshilik uıymdastyrylǵan. Tabıǵı apatpen kúreske jergilikti turǵyndar, eriktiler jáne ártúrli kásiporyndardyń qyzmetkerleri belsendi túrde atsalysyp jatyr.

Inder aýdanynda jer bógetteriniń jalpy uzyndyǵy 30 shaqyrym. Qorǵanys bógeti Jasýat, Inderbor, Qurylys, Kóktoǵaı, Órlik, Esbol jáne Eltaı eldi mekenderinde salynǵan. Atalǵan jumystarǵa 40-tan astam arnaıy tehnıka, 300-ge jýyq áskerı qyzmetshi jáne 100-ge jýyq TJ qyzmetkeri, onyń ishinde Qyzylorda oblysy TJD qyzmetkerleri jumyldyryldy. 

Foto: primeminister.kz

Mahambet aýdanynda Jaıyq ózeniniń boıynda 17 eldi meken ornalasqan. Olardy qorǵaý úshin 80 km jaǵalaýdy nyǵaıtatyn bógetter salyndy. Aýdanda bógetterdiń jalpy uzyndyǵy 105,8 km. Sý tasqynyna qarsy is-sharalar jalǵasyp jatyr. Olarǵa 130 arnaıy tehnıka, 650 áskerı qyzmetshi, 200-den astam TJ qyzmetkeri, 300-ge jýyq erikti men jergilikti turǵyndar tartyldy. 

Foto: primeminister.kz

Vıtse-premer Qanat Bozymbaev Mahambet aýdanynyń ákimine ejelgi Saraıshyq qalashyǵy mańyndaǵy Jaıyq ózeniniń boıyndaǵy bógetti taǵy da qosymsha kóterýdi tapsyrdy. 

Foto: primeminister.kz

«Ol úshin munda Qorǵanys mınıstrliginiń jeke quramynyń júzdegen qyzmetkeri men ondaǵan tehnıka tartylady. Bizdiń tarıhı muramyzdy qorǵaýǵa jáne saqtaýǵa jaýapkershilikpen qaraý qajet», - dep tapsyrdy Qanat Bozymbaev.

Foto: primeminister.kz