Qanat Bozymbaev Aqmola oblysyndaǵy 99 úıdiń qurylysyn jedeldetýdi tapsyrdy

<p>KÓKShETAÝ. KAZINFORM - Qanat Bozymbaev jumys saparymen Aqmola oblysyna bardy. Aımaq basshysy Marat Ahmetjanovpen birge vıtse-premer Bulandy aýdanynyń Jýravlevka, Ivankovka jáne Voznesenka aýyldarynda úılerdiń qurylys barysymen tanysty.</p>

Búgingi tańda Jýravlevka aýylynda 42 úı, Ivankovka aýylynda 41 páterge arnalǵan bir qabatty úıler jáne Voznesenka aýylynda 16 úı salynýda.

Árbir jeke úıge 10 gektar jer ýchaskesi qosa beriledi. Barlyq jańa úılerge qajetti kommýnıkatsııalar ótkizilgen. Qazirgi ýaqytta irgeles aýmaqty abattandyrý jumystary júrgizilýde. Turǵyn úıler «Qazaqstan halqyna» qorynyń qarajaty esebinen salynýda.

Foto: Úkimet

Qanat Bozymbaev ákimdikke qalǵan 99 úıdiń qurylysyn jedeldetýdi jáne qosymsha jumys kúshin tartýdy tapsyrdy.

Sonymen qatar, vıtse-premer qysqa merzimde ortalyqtandyrylǵan sýmen jabdyqtaý jáne jańa úılerge arnalǵan jabdyqtardyń elektr qýatynyń jetkiliksizdigi máselelerin sheshýdi tapsyrdy. Tıisti tapsyrmalar ákimdikke jáne óńirlik elektr jelisin taratý kompanııasyna berildi.

Foto: Úkimet