Qanat Aıtbaev reseılik jobalarǵa shaqyrtý jaıly: Dımash bir elmen shektelip qalmaıdy
«Dımashtyń kontsertine álemniń 45 elinen meımandar kele jatyr. Sondyqtan, kontserttegi kórermenderdiń deni aǵylshyn tildi ǵana bolmasy anyq. Kontsertke álemniń túkpir-túkpirinen qyzyǵýshylyq tanytyp otyrǵandar bar», - dedi Qanat Aıtbaev Mádenıet jáne sport mınıstri Arystanbek Muhamedıulymen kezdesý barysynda.
Qanat Aıtbaev atap ótkendeı, Dımashtyń álemdik týry byltyr 27 maýsymda Astanada «Bastaý» degen kontsertten bastalǵan. Osydan keıin gastrol Qytaıda jalǵasyp, Chansha, Fýdjoý, Shenjen qalalaryndaǵy stadıondarda Dımashtyń sátti kontsertteri ótken.
«Máskeýden de kelesi jyly usynys keldi. Tek týr uıymdastyryp qana qoımaı, ártúrli pýblıkaǵa ózine saı beıimdele óner kórsetsek deımiz. Ózderińiz biletindeı, qazirgi tańda Dımash birneshe tilde án aıtady. Sebebi, kontsert ótetin árbir pýblıkany syılaý kerek. Sondyqtan, bul jumys zor daıyndyq pen ýaqytty talap etedi», - dedi Qanat Aıtbaev.
Ánshiniń ákesi kontsertterdiń ótkizilýine Mádenıet jáne sport mınıstrligi tarapynan kóp qoldaý kórsetilip jatqanyn tilge tıek etti.
«Qazaq aıtpaqshy, «jaıaýdyń shańy, jalǵyzdyń úni shyqpaıdy». Kóp bolyp, el bolyp kótergen júk jeńil. Osy jerde qanshama jankúıer men tyńdarman bar, el-jurt bar, eldiń basshylyǵy bar - qoldaý jasap jatqannan keıin osyndaı jetistikterge jetip jatyrmyz. Amandyq bolsa aldaǵy ýaqytta túsip jatqan hattardyń negizinde Almaty nemese Astana qalalarynda kontsert jasasaq degen oı bar. Onyń bári júzege asady», - dedi Qanat Aıtbaev.
Ol sonymen qatar, mádenıet salasynda memleketaralyq baılanystar bolyp jatqanyn atap ótti.
«Osyǵan baılanysty «ARS» kompanııasynyń basshysy Igor ıAkovlevıchten (Krýtoı - avt.) ártúrli mádenı almasý jóninde, ózderińiz aıtqandaı «Pesnıa goda» sekildi jobalarǵa qatysý týraly bizdiń mınıstrlikke kóptegen hattar kelgen eken. Sonyń negizinde amandyq bolsa, shyǵarmashylyq baılanystarymyz jalǵasatyn bolady. Keıbir adamdar: «Dımash tek bir elge táýeldi bolyp qalyp qoıa ma?» dep suraq qoıady. Másele olaı emes. Qazaqtyń óneri qaı jerde suranysqa ıe - sol jerdiń barlyǵynda da kórsetilýi tıis dep esepteımiz. Qandaı elden qyzyǵýshylyq túsip, qaı elden shaqyrý túsedi - sol eldiń eń ádemi baǵdarlamalaryna qatysý bizdiń oıymyzda bar. Sol sekildi tek Reseı emes, Ulybrıtanııa emes, kóptegen memleketterdiń kóptegen telearnalarynyń, kontserttik ujymdarynyń shaqyrýymen birlesken jobalar júzege asatynyn aıta ketkim keledi», - dedi Qanat Aıtbaev.
Eske sala ketsek, búgin QR Mádenıet jáne sport mınıstri Arystanbek Muhamedıuly Qanat Aıtbaevpen jáne Dımash Qudaıbergenmen kezdesip, 19 qarashada ótetin kontserttiń mán-jaıyn talqylaǵan bolatyn. Ánshiniń ákesiniń aıtýynsha, Dımash Londondaǵy kontsertte ánderiniń 60 paıyzyn qazaq tilinde shyrqaıdy.