Kanalǵa batyp ketken er adamnyń denesi tabyldy - Qyzylorda oblysy

QYZYLORDA. QazAqparat - Qyzylorda oblysy Jalaǵash aýdanynda kanalǵa sýǵa batyp ketken 31 jastaǵy azamattyń denesi tabyldy, dep habarlaıdy QazAqparat tilshisi.

Oqıǵa keshe, 8 shildede saǵat 12.30 shamasynda boldy. Jalaǵash aýdanyna qarasty Aqqyr aýylyndaǵy ońtústik kollektor kanalynda 1990 jylǵy azamat ruqsat etilmegen jerde sýǵa túsken.

«Oqıǵa ornyna oblystyq tótenshe jaǵdaıdlar departamenti jedel qutqarý jasaǵynan 5 maman 1 tehnıka jáne 1 júzý qaıyǵymen bardy. Sol aýmaqta izdeý sharalary júrgizildi. Alǵashqy kúngi izdeý nátıjesin bergen joq. Jumystar búgin de jalǵasyp, máıiti saǵat 7.00 shamasynda sýǵa túsken jerinen 200 metr qashyqtyqtan tabyldy», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.

Eske salsaq, buǵan deıin balyq aýlaýǵa shyqqan azamat Syrdarııaǵa batyp ketkenin habarlaǵan bolatynbyz.

Aıta ketsek, jyl basynan beri oblystyń sý aıdyndarynda 36 adam sýǵa ketip kóz jumdy. Onyń ishinde jıyrmasy - bala.