Kanadalyq 28,5 mln teńgemen Almaty áýejaıy arqyly shetel aspaq bolǵan

ALMATY. QazAqparat - Almaty áýajaıynda 28,5 mln teńgemen Qazaqstan shekarasynan ótpek bolǵan Kanada azamat ustaldy, dep habarlaıdy QazAqparat tilshisi. 

Qalalyq Memlekettik kirister departamentiniń baspasóz qyzmetiniń habarlaýynsha, Almaty halyqaralyq áýejaıynda «Dýbaı-Almaty» reısiniń jolaýshysynan tirkelmegen 73 245 eýro men 1 500 AQSh dollary kóleminde valıýta tabylǵan. Bul qarjy teńgege shaqqanda 28 500 000 teńge boldy.

«Mundaı quqyqbuzýshylyqpen kúres belsendi júrgiziledi. Jyl basynan beri 17 derek tirkeldi. Jolaýshylar jalpy somasy 247 800 dollar, 17 500 eýro, 34 400 qytaı ıýanimen jáne solarǵa qosymsha 276 000 teńgemen EAEO shekarasyn aspaq bolǵan», - delingen habarlamada.

QR zańnamasyna sáıkes Qazaqstan azamattary 10 myń AQSh dollarynan aspaıtyn somany tirkemeı shyǵa alady. Eger aqsha shekti somadan asyp ketse onda azamat kedendik deklaratsııa toltyrý kerek.