Kanadalyq aqyn Gazadaǵy jaǵdaıǵa baılanysty Aqúıdegi merekege barýdan bas tartty

<p>Kanadalyq aqyn Rýpı Kaýr Baıden ákimshiliginiń Izraıl men HAMAS arasyndaǵy soǵysqa reaktsııasyna narazylyq retinde Aqúıdegi Dıvalı merekesine barmaıtyn boldy, dep habarlaıdy <a href="Kazinform." target="_blank" rel="noopener">Kazinform</a> <a href="https://www.bbc.com/news/world-us-canada-67336799" target="_blank" rel="noopener">VVS</a>-ge silteme jasap.&nbsp;</p>

Áleýmettik jelidegi jazbasynda Kaýr beıbit turǵyndardy ujymdyq jazalaýdy qoldaıtyn kez kelgen mekemeniń shaqyrýynan bas tartatynyn jazǵan. Ol sondaı-aq Ońtústik Azııanyń basqa da turǵyndaryn AQSh úkimetin jaýapqa tartýǵa shaqyrdy. 

Dıvalı merekesi 8 qarashada ótedi. Ony bul eskertýlerge áli eshqandaı túsinik bermegen vıtse-prezıdent Kamala Harrıs ótkizedi. 

Úndistanda dúnıege kelgen aqyn, «Sút pen bal» kitabynyń avtory Kaýr Aqúı ákimdiginiń úndilerdiń ot festıvali – Dıvalı merekesin toılaýy aqylǵa qonymsyz dep esepteıdi.

Rýpı Gazadaǵy jaǵdaıǵa baılanysty Aqúıge barýdan bas tartyp qana qoımaı, AQSh úkimetin «Palestınalyqtarǵa qarsy genotsıdti» aqtap jatyr dep aıyptady.