Kanadada short-trekten Álem kýboginiń jańa maýsymy bastalady

<p>ASTANA. KAZINFORM &ndash; Búgin Kanadanyń Monreal qalasynda short-trekten Álem kýboginiń jańa maýsymy bastalady. Halyqaralyq konkımen júgirýshiler odaǵynyń (ISU) sheshimi boıynsha, bıyldan bastap baıraqty báseke World Tour degen ataýmen jáne jańa formatpen uıymdastyrylady. Bul týraly QR Týrızm jáne sport mınıstrliginiń baspasóz uyzmeti málim etti.</p>

Jarysqa qatysýshy memleketter endi el atymen emes, komandalyq ataýmen óner kórsetedi. Sondaı-aq ár komandanyń óz totemi bolady. Uıymdastyrýshylar mundaı ózgeristi kórermenderdiń qyzyǵýshylyǵyn arttyrý maqsatynda jasap otyr. Qazaqstan ulttyq quramasynyń sportshylary endi Álem kýbogi kezeńderinde Kazakh Nomads degen ataýmen synǵa túsedi.

Sonymen qatar Halyqaralyq konkımen júgirýshiler odaǵy (ISU) Álem kýbogi formatyna da birqatar ózgeris engizgen. Máselen, álemdik reıtıngte úzdikter qatarynda turǵan sportshylar Álem kýboginiń bastapqy kezeńderine qatyspaıdy. Jańa ereje boıynsha endi álemdik jarystarda 17 jastan asqan sportshylar ǵana óner kórsete alady.

Kanadadaǵy Álem kýboginiń alǵashqy kezeńine Qazaqstan ulttyq quramasy sapynan myna sportshylar qatysady:

Erler: Abzal Ájiǵalıev, Denıs Nıkısha, Ádil Ǵalıahmetov, Erkebulan Shamuhanov, Aıbek Násen, Gleb Ivchenko, Mersaıd Jaqsybaev;

Áıelder: ıAna Han, Madına Janbýsınova, Olga Tıhonova, Malıka Ermek, Alına Ájiǵalıeva jáne Zeınep Qumarhan.

Aıta keteıik, World Tour jarysyna Qazaqstan quramasynan bólek, Kanada (Canadian Ice Maples), Qytaı (Chinese Loongs), AQSh (USA Eagles), Ońtústik Koreıa (Korean White Tigers), Japonııa (Japanese Ninjas), Belgııa (Belgian Ice Bears), Italııa (Italian Gladiators) jáne Nıderland (Dutch Lions) sportshylary qatysady.

Short-trekten Álem kýboginiń alǵashqy kezeńi 25-27 qazan kúnderi Monrealda ótedi. Ekinshi kezeńdi 1-3 qarasha kúnderi AQSh-tyń Solt-Leık-Sıtı qalasy qabyldaıdy.