Kanadada koronavırýs juqtyrý sany boıynsha antırekord jańardy

OTTAVA. QazAqparat – Kanadada bir táýlikte koronavırýs juqtyrýǵa qatysty antırekord jańardy. Densaýlyq saqtaý mınıstrliginiń málimetinshe, sońǵy 24 saǵatta elde 21 001 jaǵdaı tirkelgen, dep habarlaıdy QazAqparat TASS-qa silteme jasap.

Kanadada ınfektsııa juqtyrǵandar sanynyń artýy – koronavırýstyń omıkron shtamynyń jyldam taralýyna baılanysty bolyp otyr. Elde aýrýǵa shaldyqqandardyń jalpy sany 168,4 myńnan asady.

Kanadanyń óńirleri dúısenbi kúni COVID-19-dan 22 adamnyń qaıtys bolǵanyn habarlady. Omıkron shtamynyń taralýyna baılanysty Kanada óńirleriniń bıligi karantın shekteýin aıtarlyqtaı qatańdatty.

Erejege sáıkes, meıramhana, sport zaldary, mádenı-oıyn-saýyq mekemelerindegi bolatyn adamdar sany 50%-ǵa qysqardy. Kóptegen memqyzmetshiler men jeke kompanııa qyzmetkerleri qashyqtan jumys isteýge aýysty.

Ótken aptada Kanada bıligi osy shekteýge baılanysty jumyssyz qalǵandar men shaǵyn bıznes kásiporyndarynan tabys taba almaı otyrǵan azamattarǵa qarjylaı kómek berý baǵdarlamasyn jańartatynyn málim etti.