Kanadada dybys jazý stýdııasynyń aldynda atys boldy

<p>ASTANA. KAZINFORM &ndash; Kanadanyń Toronto qalasyndaǵy dybys jazý stýdııasynyń aldynda atys bolyp, 20-dan astam adam ustaldy. Bul týraly&nbsp;<a href="https://www.ctvnews.ca/" target="_blank" rel="noopener">CTV News</a> telearnasyna silteme jasap Reseıdiń <a href="https://ria.ru/20241112/kanada-1983400346.html" target="_blank" rel="noopener">Rıa Novostı</a> agenttigi habarlady.</p>

Quqyq qorǵaý organy qyzmetkerleriniń habarlaýynsha, urlanǵan kólik mingen úsh adam stýdııaǵa kelip, ǵımarat adyna jınalǵan adamdarǵa oq atqan, sóıtip atys bastalǵan.

«Dybys jazý stýdııasynyń aldynda keminde 100 ret oq atylǵan soń 23 adam qamaýǵa alyndy»,-delingen telearnanyń habarlamasynda. Alaıda atys saldarynan eshkim zardap shekpegen.

Polıtsııa 16 atys qarýyn tárkilegen. Qarýlar stýdııanyń ishinde, shatyrynda jáne jaqyn mańdaǵy qoqys jáshiginen tabylǵan.

Polıtsııa atys kezinde stýdııada bireýdiń bolǵan-bolmaǵany týraly saýaldy jaýapsyz qaldyrdy. Atystyń sebep-saldary anyqtalyp jatyr. Oqıǵa bandalar arasynda bolǵan janjaldyń saldary bolýy múmkin, oqıǵany polıtsııa anyqtap jatyr.

Osyǵan deıin Túrkııanyń 3 qalasy álemniń TOP-100 qataryna kirgenin habarlaǵan edik.