Kanada Islam yntymaqtastyq uıymyna arnaıy elshisin taǵaıyndady

ASTANA. 13 sáýir. QazAqparat - Kanadanyń syrtqy ister mınıstrligi Islam yntymaqtastyq uıymyna (IYU) Kanadanyń arnaıy elshisin taǵaıyndaǵanyn málimdedi. Bul el tarıhynda alǵash ret bolyp turǵan jaǵdaı eken.

muslim.kz saıtynyń jazýynsha IYU-nyń bas hatshysy Ekmeleddın Ihsanoǵlu (Ekmeleddin Ihsanoglu) elshi bolyp taǵaıyndalǵan Arıf Lalanıdi jańa qyzmetimen quttyqtap, isine sáttilik tiledi.

Professor Ihsanoǵlunyń aıtýynsha, bul qadam halyqaralyq qaýymdastyqtardyń musylman elderimen yntymaqtastyq ornatýǵa qyzyǵýshylyqtary artyp kele jatqandyǵyn kórsetedi.

Ihsanoǵlu IYU hatshylyǵy atynan Lalanımen tyǵyz qarym-qatynas ornatatynyna daıyn ekenin aıtty.

Kanada arnaıy elshisin taǵaıyndap otyrǵan IYU-na múshe emes AQSh, Ulybrıtanııa, Aýstralııa jáne Frantsııadan keıingi besinshi memleket.