Kanada general-gýbernatory Jıýlı Paıett Qazaqstanǵa keledi

ASTANA. QazAqparat - Kanada general-gýbernatory Jıýlı Paıett Qazaqstanǵa jumys saparymen keledi. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«3-5 jeltoqsanda Qazaqstan-Kanada qarym-qatynastar tarıhynda Kanada general-gýbernatory Jıýlı Paıett elimizge alǵash ret keledi. Astanaǵa jasaǵan jumys sapary barysynda el basshylyǵymen ótetin kezdesýleri saıası jáne saýda-ekonomıkalyq, mádenı-gýmanıtarlyq salalardaǵy qazaqstan-kanadalyq yntymaqtastyqty jan-jaqty damytýǵa tyń serpin berýi tıis», - dedi resmı ókil.

Sondaı-aq onyń atap ótýinshe, Qazaqstanǵa sapary aıasynda Jıýlı Paıett Kanadanyń ǵaryshkeri Davıd Sen-Jaktyń Baıqońyr ǵarysh aılaǵynan Halyqaralyq ǵarysh stantsııasyna ushý rásimine qatysady.

«Qazaqstan Prezıdenti Nursultan Nazarbaev Kanadaǵa saparmen 2003 jyly barǵan bolatyn. Al 2016 jyly qyrkúıek aıynda Qytaıda ótken «Úlken jıyrmalyq» sammıtiniń alańynda Kanadanyń Premer-Mınıstri Djastın Trıýdomen kezdesý ótkizgen edi», - dedi Aıbek Smadııarov.