Qan tapsyrǵan azamattardy marapattaıtyn «Qurmetti donor» ataǵy qaıtarylady

<p>Densaýlyq saqtaý mınıstrligi &laquo;Qurmetti donor&raquo; tósbelgisin qaıta bekitýdi usyndy, dep habarlaıdy <a href="https://kaz.inform.kz/search_results/?q=%D1%82%D3%A9%D1%81%D0%B1%D0%B5%D0%BB%D0%B3%D1%96&amp;page=2&amp;page=3" target="_blank" rel="noopener">QazAqparat tilshisi.&nbsp;</a></p>

Tıisti qaýly Ashyq NQA portalynda jarııalandy. Onda vedomstvo bul tósbelgi donorlardy yntalandyrý úshin mańyzdy ekenin atap ótken.

«Qurmetti donor» tósbelgisimen Qazaqstan Respýblıkasynyń azamattary, sondaı-aq QR aýmaǵynda júrgen sheteldikter men azamattyǵy joq adamdar, belsendi jáne jemisti qaıyrymdylyq qyzmeti úshin, qan donatsııasyn nemese trombotsıtterdi keminde 40 ret, plazma donatsııasyn keminde 70 ret óteýsiz negizde júzege asyrǵany úshin marapattalady», - delingen Úkimet qaýlysynyń jobasynda.

Densaýlyq saqtaý mınıstrliginiń málimetinshe, búginde «Qurmetti donor» ataǵyn alýǵa laıyqt 210 myń qazaqstandyq bar.

«Bizdiń elimizde qaýipsiz qan donorlyǵynyń negizin qurý úshin halyqtyń habardarlyǵyn arttyrýdy ǵana emes, sonymen qatar óskeleń urpaq úshin úlgi kórsetý mańyzdy. Sol sebepti birneshe ret qan tapsyratyn donorlardyń qoldaýdyń uzaqmerzimdi tásili qajet. Qazirgi ýaqytta belgilengen ólshemderge jetken belsendi donorlardyń jalpy sany – 210 adam, al tósbelgini alǵandardyń sany 30 %-dan aspaıdy. Joǵaryda baıandalǵandarǵa baılanysty «Qurmetti donor» ataǵyn qalpyna keltirý múmkindigin qarastyrýdy suraımyz», - dep mınıstrlik qaýlyǵa túsindirme bergen.

Qujat 6 qazanǵa deıin kópshilik talqylaýda bolady.