Qamys órtinen evakýatsııalanǵan qostanaılyqtar úılerine oraldy
21:45, 24 Mamyr 2023
QOSTANAI.QazAqparat – Qostanaıda qamys pen shópten shyqqan órtti sóndirý jumystary jalǵasýda, buryn evakýatsııalanǵan jaqyn mańdaǵy jeke sektordyń turǵyndary úılerine qaıtaryldy, dep habarlaıdy QazAqparat tilshisi oblystyń Tótenshe jaǵdaılar departamentiniń baspasóz qyzmetine silteme jasap.
«Shıpın kóshesindegi 10 úıden evakýatsııalanǵan 35 adam úılerine qaıtaryldy. Órttiń turǵyn úı sektory men aýlaǵa taralýyna jol berilmedi, turǵyn úılerge qaýip tóngen joq», - dep habarlady TJD.
Qazirgi ýaqytta órt ornynda 8 tehnıka jáne Qostanaı oblysy TJD, «Qostanaı SÝ» JZQ, «QTJ» AQ jeke quramynyń 27 adamy jumys istep jatyr.
Buǵan deıin Qostanaıdaǵy jeke sektor turǵyndary qamys pen shóptiń órtenýine baılanysty evakýatsııalanǵany habarlanǵan bolatyn.
Janna Musabaeva