Qamshybek Qońqabaevtyń kelesi jekpe-jegi qashan ótetini anyqtaldy

NUR-SULTAN. QazAqparat – Qazaqstannyń bokstan ulttyq quramasynyń bas bapkeri Qaırat Sátjanov LifeSport KZ YouTube-arnasyna bergen suhbatynda Qamshybek Qońqabaevtyń komandaǵa jaqyn arada oralatyny týraly aıtty. Bul týraly QazAqparat áleýmettik jelidegi «Qazaqstannyń kásipqoı boksy» paraqshasyna silteme jasap habarlaıdy.

«Qamshybek 6 nemese 2 shildede jekpe-jekke shyǵady (kásipqoı boksta), keıin ulttyq quramaǵa qosylyp, Azııa oıyndary aıaqtalǵansha osynda bolady», - dedi Sátjanov.

Qamshybek Qońqabaev (5-0, 4KO) kásibı rıngtegi osyǵan deıingi jekpe-jegin aqpan aıynda ótkizdi: ol ózbekstandyq Farrýh Djýraevti ekinshi raýndta nokaýtqa túsirdi.

Qońqabaev kásipqoı boksqa alǵashqy qadamyn 2020 jyly jasady. Biraq áýesqoı bokstan áli alystaǵan joq.