Qamshybek Qońqabaev: Parıj Olımpıadasynda jankúıerlerdi júldemen qýantsam deımin

<p>QYZYLORDA. KAZINFORM &ndash; Qyzylordalyq boksshy Qamshybek Qońqabaev sporttyq mansabynda ekinshi márte Jazǵy Olımpıada oıyndaryna qatysýǵa múmkindik alyp otyr. Qyzylordalyq sportshy dúbirli dodaǵa joldamany byltyr Qytaıdyń Hanchjoý qalasynda ótken HІH Jazǵy Azııa oıyndarynda ıelendi. Sol joly ol kúmis medal alyp, jankúıerge qýanysh syılaǵan edi.&nbsp;</p>

Qamshybek Qońqabaev 1991 jyly 18 qarasha kúni Qyzylorda qalasynda dúnıege kelgen. Qazirge deıin Tokıo Olımpıadasynyń qola júldeger bolsa, álem chempıonatynda 2017, 2019 jyldarda eki márte kúmis medal ıegeri atandy. Sondaı-aq 2022 jyly Jazǵy Azııa oıyndarynyń ekinshi oryn alsa, Azııa chempıonatyndatórt márte júldegerler qatarynan kórindi. Ony 2006 jyldan beri jergilikti maman Seıitjan Tókenov jattyqtyrady. Jeke bapkeri áli kúnge deıin shákirtin syndarly saıystarda shyńdap, san alýan jarystarda aqyl-keńesin berip keledi.

«Olımpıadaǵa daıyndyǵymdy pysyqtadym. Birikken oqý-jıyndaryna qatystym. Aldymda úlken maqsat bar. Parıj Olımpıadasynda jankúıerlerimdi júldemen qýantsam deımin. Árbir ýaqytymdy bos jibergen joqpyn. Sol jolda tynbaı ter tóktim», - deıdi boksshy.

Ulttyq quramanyń bas bapkeri Myrzaǵalı Aıtjanov shákirtine zor úmit artyp otyrǵanyn jasyrmaıdy. Tórt jyl burynǵy jetistigin jaqsartyp, jeńis tuǵyrynan kórinýge qaýqary jetetinin aıtady.

Aıta ketsek, oblys atynan grek-rım kúresinen Aıdos Sultanǵalı (60 keli), dzıýdodan Abylaıhan Jubanazar (81 keli) jáne Nurlyhan Sharhan (100 keli) Parıjge attanady.