Qytaıdyń Hanjchoý qalasynda ótip jatqan Azııa oıyndarynda qazaqstandyq boksshy Qamshybek Qońqabaev fınalǵa shyqty, dep habarlaıdy QazAqparat tilshisi.
Asa aýyr salmaqtaǵy qazaqstandyq boksshy Qamshybek úndistandyq Berval Narendermen judyryqtasty.
Birinshi raýndta tóreshilerdiń bári basymdyqty Qamshybek Qońqabaevqa berdi. Ekinshi kezeńde eshteńe ózgergen joq.
Qorytyndy esep – 5:0, qazaqstandyq sportshynyń paıdasynda.
Osylaısha, Qazaqstan erler quramasynan Q.Qońqabaev qana fınalǵa shyǵyp, olımpıada joldamasyn jeńip aldy.
Endi ol altyn úshin óziniń syralǵy qarsylasy, álem chempıony, ózbekstandyq Bahodır Jalolovpen talasady.
Bahodır Jalolov Qytaı atynan shyǵyp júrgen qazaq jigiti Danabek Baıǵazyny merziminen buryn tize búktirgen edi.
Eske sala keteıik, budan buryn Nadejda Dýbovıtskaıanyń Azııa oıyndarynda qola júldeni qanaǵat tutqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).