Qamshy Kólbaevtyń kólikteri aýktsıonda satylady

<p>Qyrǵyz Respýblıkasynyń memleket múlkin basqarý agenttigi qylmys áleminiń serkesi bolǵan Qamshy Kólbaevqa tıesili bolǵan alty avtokólik elektrondyq aýktsıon arqyly satylatynyn málim etti. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://kabar.kg/news/avtomobili-kamchy-kol-baeva-prodaiut-na-auktcione/" target="_blank" rel="noopener">Kabar</a> agenttigine silteme jasap habarlaıdy.&nbsp;</p>

Olardyń sózinshe, marqum qylmyskerdiń otbasy kólikterdi óz erkimen memleket menshigine bergen.

Osylaısha, satylatyn múliktiń qazirgi ıesi – QR mınıstrler kabıneti.

Avtokólikter týraly aqparat:

- MERCEDEC-BENZ S600, 2017 jyly shyqqan. Bastapqy baǵasy – 25 mln 500 myń som;

- BMW ALPINA XB7, 2021 jyly shyqqan. Bastapqy baǵasy - 18 mln som;

- MERCEDEC-BENZ G500, 2013 jyly shyqqan. Bastapqy baǵasy - 5 mln 400 myń som;

- HYUNDAI GENESIS, 2019 jyly shyqqan. Bastapqy baǵasy - 2 mln 800 myń som;

- TOYOTA LAND CRUISER PRADO, 2005 jyly shyqqan. Bastapqy baǵasy – 1 mln 250 myń som;

- KIA RIO X-LINE, 2019 jyly shyqqan. Bastapqy baǵasy - 1 mln 150 myń som.

Aýktsıon ótetin oryn – auctionetp.gov.kg elektrondyq saýda alańy.

Ótinishter 20 qarasha 10.00-de bastalyp, 11 jeltoqsan kúni 10.00-de aıaqtalady.

Buǵan deıin Qyrǵyzstanda atyshýly qylmystyq avtorıtet Qamshy Kólbaevty (Qamshybek Asanbek) ustaýǵa baǵyttalǵan arnaıy operatsııa júrgizilip, atys kezinde ol qarsylyq kórsetip, UQK arnaıy jasaǵynyń kúshimen kózi joıylǵanyn habarlaǵan bolatynbyz.

Sondaı-aq Qyrǵyzstanda qylmystyq is aıasynda júrgizilgen jedel-izdestirý sharasynyń barysynda Kólbaevqa tıesili bolǵan, quny 500 myń AQSh dollary bolatyn asyltuqymdy jylqylar tárkilendi.

Memlekettik keden qyzmetiniń 50-ge jýyq qyzmetkeri marqum bolǵan qylmys áleminiń serkesi Qamshy Kólbaevpen tyǵyz baılanysta bolǵany úshin jumystan shyǵaryldy.

Qamshy Kólbaevtyń uıymdasqan qylmystyq toby Qyrǵyzstannyń burynǵy premer-mınıstri Sapar Isakovqa syılaǵan lıýks sanatyndaǵy brondy avtokólik te tárkilengenin eske sala keteıik.