Qamysqa jarmasqan: Aqmola oblysynda qaıyǵy aýdarylǵan balyqshy qutqaryldy

<p>KÓKShETAÝ. KAZINFORM &ndash; Stepnogor qalasyndaǵy Aqsý ózeninde qaıyǵy aýdarylǵan balyqshyǵa qutqarýshylar kómekke keldi.&nbsp;</p>

Aqmola oblysy TJD baspasóz qyzmetiniń málimetinshe, balyq aýlaýǵa barǵan 54 jastaǵy balyqshynyń qaıyǵy aýdarylǵan. Qamysqa jarmasqan er adamdy ózge adamdar kórip, «101» jedel jelisine habarlaǵan.

«Shaqyrý ornyna «Stepnogor podshıpnık zaýyty» AQ-nyń memlekettik emes órtke qarsy qyzmetiniń qyzmetkerleri kelip, balyqshyny jaǵaǵa alyp shyqty», - dedi vedomstvodan.

Aqmola oblysy TJD dereginshe, óńirdiń sý aıdyndarynda jylyna orta eseppen 30-ǵa jýyq adam qaıtys bolady.

Aıta ketsek, budan buryn shomylý maýsymy bastalǵaly Aqmola oblysynda 2 adam sýǵa ketkenin jazǵan edik.