Kamerýndyq qorǵaýshy Makı Banıak «Qaırat» fýtbol klýbynan ketti

ALMATY. QazAqparat - Kamerýndyq qorǵaýshy Makı Banıak «Qaırat» fýtbol klýbynan shyǵyp, Reseıdiń «Parı Nıjnıı Novgorod» klýbyna bardy, dep habarlaıdy QazAqparat tilshisi.

«27 jastaǵy qorǵaýshy reseılik «Parı Nıjnıı Novgorod» klýbyna 2023 jyldyń maýsym aıyna deıin jaldaý quqyǵymen kóshti. Onda fýtbolshyny satyp alý múmkindigi qarastyrylǵan. «Qaırat» fýtbol klýby Makıge aldaǵy mansabynda tabys tileıdi», - delinedi «Qaırat» FK taratqan habarlamada.

Al Banıak Instagram paraqashasynda reseılik klýbqa senim bildirgeni úshin alǵysyn aıtyp, klýbtyń damýyna aıanbaı eńbek etetinin jazdy. Sondaı-aq, «Qaırat» fýtbol klýbyn «meniń otbasym» dep atap, oǵan da óz alǵysyn aıtty.

Foto: fckairat.com