Kameraldyq baqylaý barysynda 983 mlrd teńgege buzýshylyqtar anyqtaldy - mınıstr

NUR-SULTAN. QazAqparat – 2020 jyly kameraldyq baqylaý barysynda 983 mlrd teńgege buzýshylyqtar anyqtaldy. Bul týraly Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«2020 jyly kameraldyq baqylaýmen somasy 10,4 trln teńge bolatyn 1,4 mıllıonnan asa memlekettik satyp alý rásimi qamtyldy. Tekserý qorytyndylary boıynsha somasy 983 mlrd teńgege buzýshylyqtar eskertildi», - dedi mınıstr.

Onyń aıtýynsha, ótken jyly 2 177 aýdıtorlyq is-shara ótkizildi. Aýdıtpen 1 trln teńge bıýdjet qarajaty qamtyldy. Somasy 251 mlrd teńgege qarjylyq buzýshylyqtar anyqtaldy. Onyń 74 paıyzy býhgalterlik jáne qarjylyq esepti júrgizýge tıesili bolyp otyr.

«Taýarlardy jetkizýdi, qyzmetterdi kórsetýdi jáne jumystardy oryndaýdy qalpyna keltirý, bıýdjetke óteý jáne esepke alý boıynsha kórsetý jolymen 237 mlrd teńgege buzýshylyqtar joıyldy. Aýdıt nysandary qyzmetiniń tıimdiligin jetildirý jáne arttyrý úshin 1 950 usynym berildi», - dedi Erulan Jamaýbaev.