Kamchatkada janartaý atqylady

KAMChATKA. TASS-QazAqparat – 15 shaqyrymǵa kúl shyǵarǵan Shıvelých janartaýynyń atqylaýy Kamchatkanyń jergilikti ýaqyty boıynsha 11 sáýirge qaraǵan túni boldy, dep habarlaıdy QazAqparat TASS-qa silteme jasap.

«11 sáýirge qaraǵan túni Shıvelýchtyń atqylaýy paroksızmaldy kezeńge jetti (ystyq massa aǵyndarynyń túsýi). Aýa raıynyń qolaısyzdyǵyna baılanysty janartaýdy baqylaý qıyn, munda tsıklonnyń áseri jalǵasyp jatyr. Qar jaýyp, boran soǵyp tur. Alaıda, esepteýimiz boıynsha kúl bultynyń bıiktigi 15 km boldy», - delingen výlkanologııa jáne seısmologııa ınstıtýtynyń habarlamasynda.

Instıtýt avıatsııa úshin eń joǵary qaýip kody – qyzyl tús berilgenin atap ótti.

«Qyzý aǵyndary 20 shaqyrymǵa deıingi qashyqtyqty júrip ótip, Petropavl-Kamchatskıı - Ýst-Kamchatsk tasjolyn jaýyp tastaýy múmkin», - delingen habarlamada.

Instıtýttyń málimetinshe, 4 myńǵa jýyq adam turatyn Ýst-Kamchatsk aýdanyndaǵy Klıýchı aýylyna kúl jaýǵan. Ol jerde ınstıtýttyń bir top ǵalymy jumys istep jatyr. Olardyń mindeti – atqylaýdyń parametrlerin naqtylaý jáne Ýst-Kamchatsk oblysy turǵyndarynyń qaýipsizdigin qamtamasyz etý.

Aıta ketsek, Shıvelých – Kamchatkadaǵy eń úlken janartaýlardyń biri, bıiktigi – 3 283 m. Ol úsh negizgi qurylymdy qamtıdy: Eski Shıvelých jáne belsendi Jas Shıvelých janartaýlary men ejelgi kaldera.