Kamchatkada atqylaǵan janartaýdyń kúli 10 shaqyrym bıikke kóterildi

<p>ASTANA. KAZINFORM &ndash; Kamchatkada Karym janartaýynyń kúli 10 shaqyrym bıiktikke kóterildi, dep jazady <a href="https://tass.ru/" target="_blank" rel="noopener">TASS</a>.</p>

30 tamyz kúni Kamchatkada atqylaǵan Karym janartaýynyń kúli 10 shaqyrym bıiktikke kóterildi. Bul týraly Reseı ǵylym akademııasynyń Qıyr Shyǵys bólimshesi Výlkanologııa jáne seısmologııa ınstıtýtynyń Telegram-kanaly da habarlady.

— Jarylys saldarynan Karym janartaýynyń kúli teńiz deńgeıinen 10 shaqyrym bıiktikke kóterildi. Kúl shoǵyry janartaýdan soltústik-batysqa qaraı 5 shaqyrymǵa sozylǵan, delingen habarlamada.

Avıatsııa úshin qaýipti qyzyl tús kody belgilendi. Janartaý belsendiligi jergilikti jáne halyqaralyq áýe qatynasyna qaýip tóndiredi.

Janartaý Kamchatkanyń shyǵys janartaý aımaǵynyń ortalyq bóliginde, Petropavl-Kamchatskııden 115 shaqyrym jerde ornalasqan.