Kambodja men Saýd Arabııasy qysqy Azııa oıyndaryna alǵash ret qatysady

<p>BEIJІŃ. KAZINFORM &ndash; Qytaı Halyq Respýblıkasynyń Memlekettik keńesi (úkimet) baspasóz qyzymeti búgin baspasóz maslıhatyn ótkizip, IX Qysqy Azııa oıyndarynyń daıyndyq barysymen tanystyrdy.</p>

Qysqy Azııa oıyndaryn uıymdastyrý komıteti bas hatshysynyń orynbasary, Harbın qalalyq halyq úkimeti meriniń orynbasary Chjan Haıhýanyń aıtýynsha, Azııanyń tropıkalyq aımaǵynda ornalasqan elderi qysqy sportqa qyzyǵýshylyǵy artyp kele jatyr.

Onyń aıtýynsha, Nepal, Býtan, Úndistan, Sıngapýr, Malaızııa, Taıland, Birikken Arab Ámirlikteri, Kýveıt jáne Batys Azııadaǵy basqa elder sportshylary Taý shańǵy jarysyna qatysýǵa ótinish bergen.

Sondaı-aq, Kambodja men Saýd Arabııasy qysqy Azııa oıyndaryna alǵash ret qatysqaly otyr.

Aıta keterligi, Qysqy Azııa oıyndary ótetin jarys alańdary men arenalar, ıAbýlı taý shańǵysy kýrortyndaǵy temirjol ınfraqurylymyn jańartý jumystary aıaqtaldy. 

Buǵan deıin habarlaǵanymyzdaı, 2025 jyly Harbın qalasynda ótetin dúbirli doda tarıhta eń kóp el qatysqan qysqy Azııadanyń biri bolmaq. 

Sonymen qatar, UOK ókilderi Harbın qalasynda ótken qysqy Azııa oıyndaryna daıyndyq semınaryna qatysqan edi.