Qambarata stansasynyń qurylysyna Qazaqstan tarapynan «Samuryq-Energo» atsalysady
Bul jaıynda Ekologııa jáne tabıǵı resýrstar mınıstrliginiń QazAqparat saýalyna joldaǵan jaýabynda aıtylǵan.
«Jobany iske asyrý boıynsha qazaqstandyq taraptyń negizgi oryndaýshylary - Energetıka mınıstrligi men «Samuryq-Energo» AQ bolyp belgilendi. Mınıstrlik óz quzyreti sheginde jobany iske asyrý jóninde ustanym joldady. Osylaısha, qazaqstandyq taraptyń Jobany iske asyrýǵa qatysýynyń basty maqsaty Syrdarııa ózeniniń boıyn turaqty sýmen qamtamasyz etý jáne aǵystyń tómengi jaǵyndaǵy aýmaqtardyń sý sharýashylyǵy qyzmetin qamtamasyz etýi tıis. Sonymen qatar, jobany iske qosý Toqtoǵul GES jumys rejımin energetıkalyqtan sýarýǵa kezeń-kezeńimen kóshirýge múmkindik berýi tıis, bul vegetatsııalyq kezeńde Qazaqstannyń ońtústik óńirlerin sýmen qamtamasyz etýdiń turaqtylyǵyn arttyrýǵa múmkindik beredi», - dep jazady vıtse-mınıstr Serikálı Muqataev.
Al Energetıka mınıstrliginiń dereginshe, joba qolǵa alynbas buryn onyń shartyn úsh memleket te óz ishinde ratıfıkatsııalaýy tıis.
«Jobany iske asyrý Qyrǵyz Respýblıkasyndaǵy Toqtoǵul SES-in ırrıgatsııalyq rejımge aýystyrý arqyly óńirdi sýmen qamtamasyz etýdi turaqtandyrýǵa jáne Ortalyq Azııa elderin elektr energııasymen qamtamasyz etýge múmkindik beredi. Jobany tabysty iske asyrý úshin taraptar úkimetaralyq kelisimge qol qoıý máselesin pysyqtaýda, ol kelisý men ratıfıkatsııalaýdyń qajetti memleketishilik rásimderinen ótedi», - delingen Energetıka mınıstrliginiń jaýabynda.
Foto: earthpossible.com