Qamaýdaǵy 1 kún 4 saǵattyq qoǵamdyq jumysqa teń: Májiliste zań jobasy qaraldy

<p>Búgin Parlament Májilisinde &laquo;Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly&raquo; zań jobasy tanystyryldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Zań jobasyn 2 negizgi baǵytqa bólýge bolady. Birinshi baǵytta «Qoǵamdyq jumystarǵa tartý» ákimshilik jazasynyń jańa túrin reglamentteý jáne ony oryndaý tetigin aıqyndaý eskerilgen.

Ekinshiden, ákimshilik-delıkttik zańnamany odan ári jetildirý qarastyrylǵan. Qazirgi qoǵamdyq jumystar túrindegi jazany qoldaný qylmystyq zańnama aıasynda júzege asyrylyp otyr. QR Qylmystyq kodeksiniń 43-babyna sáıkes, qoǵamdyq jumystar sottalǵan adamnyń jergilikti atqarýshy organdar qoǵamdyq oryndarda uıymdastyratyn, belgili bir biliktilikti talap etpeıtin tegin qoǵamdyq paıdaly jumystardy oryndaýynan turady. QR Qylmystyq-atqarý kodeksi 24-babynyń jetinshi bóligine sáıkes, túzeý jumystary, sondaı-aq qoǵamdyq jumystarǵa tartý túrindegi jazalardy sottalǵan adamnyń turǵylyqty jerindegi probatsııa qyzmeti oryndaıdy.

Osylaısha, qazirgi kezde probatsııa qyzmeti jergilikti atqarýshy organdarmen birlesip, qylmystyq quqyq buzýshylyqtar aıasynda jazanyń osy túrin iske asyryp jatyr. Óz kezeginde zań jobasynda «qoǵamdyq jumystarǵa tartý» túrinde ákimshilik jazany qoldanýdy iske asyrýdyń uqsas tetigi usynylyp otyr. Alaıda jazanyń osy túrin oryndaýdy jergilikti atqarýshy organdarǵa bekitýdi usynamyz», – dedi Ádilet vıtse-mınıstri Alma Muqanova.

Aıtýynsha, qoldanystaǵy Ákimshilik quqyq buzýshylyq týraly kodekstiń birqatar quramdary (11 bap jáne 19 quram) boıynsha «qoǵamdyq jumystarǵa tartý» jazasyn qoldanýǵa bolady degen sheshim jasaldy.

Osy rette myna baptar eskerilip otyr:

1. 73-bap. Otbasy-turmystyq qatynastar aıasyndaǵy quqyqqa qarsy áreketter;
2. 73-1-bap. Densaýlyqqa qasaqana jeńil zııan keltirý;
3. 73-2-bap. Uryp-soǵý;
4. 434-bap. Usaq buzaqylyq;
5. 434-2-bap. Ortaq paıdalanylatyn oryndardy lastaý;
6. 440-bap. Alkogoldik ishimdikterdi ishý nemese qoǵamdyq oryndarǵa masań kúıde kelý;
7. 443-bap. Qoǵamdyq tártipti qamtamasyz etýge qatysatyn adamnyń zańdy talabyna baǵynbaý;
8. 449-bap. Qoǵamdyq oryndarda tıisý;
9. 615-bap. Jaıaý júrginshilerdiń jáne jol júrisine ózge de qatysýshylardyń jol júrisi qaǵıdalaryn buzý;
10. 653-bap. Sotty qurmettemeýshilik
11. 669-bap. Sot úkimin, sot sheshimin nemese ózge de sot aktisin jáne atqarýshylyq qujatty oryndaý.

«Zań jobasynda ákimshilik quqyq buzýshylyq týraly ister aıasynda «qoǵamdyq jumystarǵa tartýdy» qoldaný tetigin tıisti túrde júzege asyrý usynylady. Qoǵamdyq jumystardyń túrlerin jáne qoǵamdyq jumystar oryndalýy tıis uıymdardyń tizbesin jergilikti atqarýshy organdar aıqyndaıdy. Sonymen qatar jergilikti atqarýshy organdar sot qaýlysy kelip túsken sátten bastap quqyq buzýshyny shaqyrady, onyń jeke derekterin toltyrady, oǵan quqyqtary men mindetterin, qoǵamdyq jumystardy oryndaý tártibin túsindiredi, sonymen qatar qoǵamdyq jumystardy oryndaý úshin uıymǵa habarlama jiberedi, qoǵamdyq jumystardy oryndaý kestesi men kezeńdiligin jasaıdy. Budan bólek, qoǵamdyq jumystardy oryndaýdan jaltarǵany týraly ishki ister organdaryn habardar etedi. Óz kezeginde uıymdar oryndalǵan jumystardyń aktilerin jasaıdy, jumys istegen saǵattardyń tabelderin júrgizedi, toqsan saıyn jergilikti atqarýshy organdarǵa qoǵamdyq jumystardyń oryndalýy týraly esep beredi», – dedi vıtse-mınıstr.

Spıkerdiń sózine qaraǵanda, qoǵamdyq jumystar halyqqa paıdaly jumysty eskerip otyr. Onyń maqsaty – quqyq buzýshyny eńbek arqyly «tárbıeleý» jáne qoǵamdyq qaýipsizdikke, jeke tulǵaǵa, basqarý tártibine qol suǵatyn qaıtalama ákimshilik quqyq buzýshylyqtardyń aldyn alý.

«Tıisti formýla qarastyrylǵan. Bir kún qamaýǵa alý jazasy 4 saǵattyq qoǵamdyq jumysqa teń bolady. Máselen, otbasynda janjal jasaǵandardy 5 táýlikke qamaý qarastyrylǵan. Atalǵan formýla aıasynda bul adamdar 20 saǵat qoǵamdyq jumysqa tartylady. Jalpy, zań jobasy áli de talqylanyp jatyr. Sondyqtan bul kórsetkishter ózgerýi de múmkin», - dedi A.Muqanova.