Qalpe stansasynyń turǵyndary joǵary bilikti medıtsınalyq kómek alady
Medıtsınalyq poıyz Qalpe stansasyna erteń tańǵy saǵat 08:41-de kelip toqtaıdy. Al 15 mamyr kúni saǵat 05:30-da qaıta jolǵa shyǵady.
Medıtsınalyq poıyzdyń baǵdary medıtsınalyq kabınetteri joq óńirlerdi qamtıdy.
ıAǵnı, bıyl shalǵaı stansalardyń turǵyndary tegin tekserýden ótip, terapevt, stomatolog, oftalmolog, lor, hırýrg, ýrolog, mammolog, pedıatr syndy biliktiligi joǵary mamandardan em alady.
Poıyz zamanaýı dıagnostıkalyq jáne emdeý jabdyqtarymen, ÝDZ-men, flıýorografııalyq apparatpen, shaǵyn ota zerthanasymen, ınternetke symsyz qosylýǵa múmkindik beretin baılanys quralymen jabdyqtalǵan.
Aıta keteıik, «Salamatty Qazaqstan» medıtsınalyq poıyzy 26 sáýir kúni «Almaty-2» temirjol vokzalynan jolǵa shyqty.
Poıyzdyń ishi emhanadaǵydaı jabdyqtalǵan. Kez kelgen medıtsına mekemesine kelgen adam aldymen tirkeý bólimine barady.
Munda da dál solaı. Terapevt, hırýrg, kardıolog, lor, pedıatr sııaqty qajetti mamandardyń jeke kabıneti bar.
Tipti, arnaıy zerthana da qarastyrylǵan. Zertteý nátıjesi 15 mınýttyń ishinde daıyn bolady.
Dárigerler 6 jeltoqsanǵa deıin oblys, aýdan ortalyqtarynan shalǵaı jerde ornalasqan 120 stansaǵa barady.
Boljam baıynsha 75 myń adamǵa medıtsınalyq kómek kórsetiledi. Medıtsınalyq poıyzda 35 bilikti maman bar.
Jobany «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qory, QR Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııanyń jáne Densaýlyq saqtaý mınıstrliginiń qatysýymen, «Qazaqstan temir joly» UK» AQ janyndaǵy «Áleýmettik jobalar qory» korporatıvtik qorymen jáne aqparattyq seriktes - Jibek Joly telearnasymen birge júzege asyrady.
Aıta keterligi, medıtsınalyq poıyzdyń bul jolǵy qozǵalys kestesi de azamattar men memlekettik organdardyń ótinishi negizinde shalǵaıdaǵy stansalarda medıtsınalyq pýnktilerdiń joqtyǵy eskerile otyryp jasalǵan.