Qalmuhanbet Qasymov Bishkekte UQShU-ǵa múshe memleketter ókilderimen kezdesti

BІShKEK. QazAqparat - Qazaqstan Prezıdentiniń kómekshisi - Qaýipsizdik Keńesiniń hatshysy Qalmuhanbet Qasymov Bishkekte ótken Ujymdyq qaýipsizdik sharty uıymynyń Qaýipsizdik keńesteri hatshylary komıtetiniń otyrysyna qatysty. Bul týraly Aqordanyń resmı saıtyndahabarlandy.

Jıynǵa qatysýshylar halyqaralyq jaǵdaıdyń ózekti máseleleri boıynsha pikir almasyp, Ujymdyq qaýipsizdik sharty uıymyna múshe memleketterdiń qaýipsizdigi úshin qazirgi syn-qaterlerge qarsy is-qımyl júrgizýge baǵyttalǵan mańyzdy keshendi sharalardy qarastyrdy.

Basqosý nátıjesinde Qaýipsizdik keńesteri hatshylary komıtetiniń quzyretine kiretin máseleler boıynsha Ujymdyq qaýipsizdik sharty uıymyna múshe memleketterdiń ýákiletti organdarynyń yntymaqtastyǵyn tereńdetýge qatysty qujattarǵa qol qoıyldy.

Ujymdyq qaýipsizdik sharty uıymy Qaýipsizdik keńesteri hatshylary komıtetiniń otyrysy aıasynda Q.Qasymov Ujymdyq qaýipsizdik sharty uıymyna múshe memleketterdegi áriptesterimen birqatar kezdesý ótkizdi. Ýákiletti memlekettik organdar jelisin ári qaraı damytýǵa jáne ujymdyq qaýipsizdiktiń qazirgi synaqtar men qaýip-qaterlerge qarsy is-qımyl máseleleri qaraldy.

Delegatsııa basshylaryn Qyrǵyz Respýblıkasynyń Prezıdenti S.Jeenbekov qabyldady.