Qallekı teatry Jeńis kúnine oraı «Kesh» dramasyn usynady

ASTANA. 8 mamyr. QazAqparat - Q.Qýanyshbaev atyndaǵy Memlekettik akademııalyq qazaq mýzykalyq drama teatry Jeńis kúnine oraı A.Dýdarevtiń  «Kesh» dramasyn usynady.

Dramada keleshegi joq aýyldyń kúıi, balalarynan hat-habar kútetin qarttardyń ómiri somdalady. Olardyń bar ermekteri - qudyqtan sý tartý. Kórermen spektakldi tamashalaı otyryp, Alla Taǵalanyń  adamdy jer betine jiberýiniń maqsaty - judyryqtaı júreginiń jylýymen osynaý sýyq dúnıeni jylytý eken-aý degen oıǵa qalary anyq.

Atalmysh qoıylym 2010 jyly Taraz qalasynda ótken Qazaqstan teatrlarynyń XVIII respýblıkalyq festıvalinen bas júldemen oraldy.   Qoıylym  teatr repertýarynyń ıdeıalyq-kórkemdik deńgeıin arttyrý, UOS batyrlaryna arnalǵan taqyrypty qozǵaı otyryp, jastardy patrıottyq sezimge tárbıeleý, olarǵa baǵyt-baǵdar berý maqsatyn tutady.

Qoıylym 9 mamyr kúni, saǵat 18.30-da bastalady.