Qalqaman Sarın «Geraldıkalyq zertteýler ortalyǵy» RMM dırektory bolyp taǵaıyndaldy

<p>ASTANA. KAZINFORM &ndash; QR Mádenıet jáne aqparat mınıstrligi Arhıv qujattama jáne kitap isi komıteti tóraǵasynyń buıryǵymen Qalqaman Sarın Aıymǵazyuly &laquo;Geraldıkalyq zertteýler ortalyǵy&raquo; RMM dırektory bolyp taǵaıyndaldy. Bul týraly&nbsp; Qazaqstan Respýblıkasy Mádenıet jáne aqparat mınıstrliginiń Arhıv, qujattama jáne kitap isi komıteti jazdy.&nbsp;</p>

Komıtet tóraǵasy Rýstam Alı Geraldıkalyq zertteýler ortalyǵynyń ujymyna jańa basshyny tanystyryp, tabysty jumys atqarýǵa senim bildirdi.

«Geraldıkalyq zertteýler ortalyǵy» respýblıkalyq memlekettik mekemesi 2021 jyly QR Úkimetiniń qaýlysymen Mádenıet jáne sport mınıstrligi Arhıv isteri jáne qujattamany basqarý komıtetiniń janynan qurylǵan.

Ortalyq — qazaq geraldıkasynyń arǵy-bergi tarıhyn zertteý, zerdeleý, jeke jáne zańdy tulǵalardyń memlekettik rámizderge qurmetpen qaraýyn qalyptastyrý, vedomstvolyq jáne olarǵa teńestirilgen ózge de nagradalardyń geraldıkalyq sıpattamasyn jetildirý boıynsha usynystar ázirleý, memlekettik rámizderdi nasıhattaý jumystaryn atqarady. Sondaı-aq memlekettik rámizder men geraldıkalyq belgilerdi qoldanýdyń halyqaralyq tájirıbesin zerttep, memlekettik rámizder men geraldıkalyq belgilerdi qoldaný men nasıhattaý máseleleri boıynsha normatıvtik quqyqtyq bazany jetildirý jónindegi usynystarǵa bastamashy bolýdy maqsat etedi.

Sarın Qalqaman Aıymǵazyuly 1998 jyly Evrazııa ulttyq ýnıversıtetin «Tarıh» mamandyǵy boıynsha támámdaǵan. 2014 jyly atalǵan oqý ornynyń gýmanıtarlyq ǵylymdar magıstri atanyp, 2020 jyly doktorantýrasyn aıaqtady.

1998-2008 jyldary QazUMA áleýmettik-gýmanıtarlyq pánder kafedrasynyń oqytýshysy, 2013-2015 jyldary «Astana» telearnasynda «Kesh emes» saıası-áleýmettik tok-shoýdyń júrgizýshisi, 2014-2015 jyldary L. N. Gýmılev atyndaǵy Eýrazııa ýnıversıteti rektorynyń keńesshisi,

2016-2017 jyldary «Qazaqstan» Ulttyq arnasy «Oı-tolǵaý» tanymdyq baǵdarlamasynyń júrgizýshisi, 2008-2017 jyldary L. N. Gýmılev atyndaǵy Eýrazııa ýnıversıtetiniń aǵa oqytýshysy, 2018-2019 jyldary «Shalqar» ulttyq radıosynyń dırektory, 2019-2023 jyldary Óskemen qalasy ishki saıasat, mádenıet jáne tilderdi damytý bóliminiń basshysy qyzmetterin atqarǵan.

2008-2015 jyldar aralyǵynda Halyqaralyq «Shabyt» festıvaliniń laýreaty, «Altyn qalam» ádebı syılyǵynyń jeńimpazy, QR Úkimetiniń «Daryn» memlekettik jastar syılyǵynyń laýreaty, Qazaqstan Respýblıkasy Tuńǵysh Prezıdenti — Elbasy Qory syılyǵynyń laýreaty atanǵan. 2023 jyly Memleket basshysynyń Jarlyǵymen «Qazaqstannyń eńbek sińirgen qaıratkeri» ataǵy berilgen.