Qalıla Omarovtyń «Alashorda» derekti fılmi jelide jarııalandy
«2009 jyly túsirilgen Qalıla Omarovtyń «Alashorda» derekti fılminde kórnekti ǵalymdar, memleket, qoǵam qaıratkerleri, tarıhshylar men jazýshylar Alash avtonomııasynyń qurylýy men Alash qozǵalysynyń 1905 jyldan bergi qoǵamdyq-saıası qyzmeti týraly baıandaıdy.
Tarıhnamalyq materıaldar sol dáýirdiń beınesi men keıbir ańyzǵa aınalǵan tulǵalardyń taǵdyryn kópke beımálim qyrynan ashady», delingen «Qazaqfılmniń» Instagram -daǵy paraqshasynda.
Eske sala ketsek, 1917 jyldyń 12 jeltoqsanynda, Orynbor qalasynda ótken 2-jalpyqazaq sezinde Alash Orda úkimetin qurylǵany jarııalanǵan bolatyn. Jalpyqazaq sezi 5-13 jeltoqsan aralyǵynda ótti. Lıberaldy demokratızm, qazaq halqynyń múddesin qorǵaý - Alash partııasynyń saıası platformasyn ózgelerden góri bıikke kóterip turdy.