Kalıfornııadaǵy jol apatynan 10 meksıkalyq mert boldy

MEHIKO. QazAqparat – AQSh-tyń Kalıfornııa shtatynda seısenbi kúni bolǵan iri jol apatynan Meksıkanyń 10 azamaty qaza tapty. Bul týraly Meksıka SІM-niń Soltústik Amerıkadaǵy departament basshysy Roberto Velasko óziniń Twitter paraqshasynda jazdy, dep habarlaıdy QazAqparat.

«Ókinishke qaraı, konsýldyq (Meksıkanyń) qyzmetkerleri qazirgi ýaqytta 10 meksıkalyqtyń qaza tapqanyn rastady. Biz zardap shekkenderge kómek kórsetý úshin bılik ókilderimen (AQSh-tyń) tyǵyz seriktestik ornatamyz», delingen habarlamada.

Kalıfornııanyń ońtústiginde qıyrshyq tas tasymaldap bara jatqan júk kóligi 27 jolaýshysy bar jol talǵamaıtyn kólikpen soqtyǵysqan. Oqıǵa ornynda 14 adam mert boldy, taǵy bir azamat aýrýhanada kóz jumdy. Zardap shekken basqa azamattar aýrýhanaǵa jatqyzyldy, keıbiriniń jaǵdaıy aýyr.