Kalıfornııadaǵy órtten 1027 qurylys nysandaryna zaqym kelgen

NUR-SULTAN. QazAqparat – Kalıfornııada «Dıksı» ataýyn alǵan orman órti AQQ shtatynyń tarıhynda eń alapat apattardyń biri dep baǵalanýda, dep habarlaıdy QazAqparat San Francisco Chronicle-ǵa silteme jasap.

Shtattyń órt basqarmasynyń málimetinshe, jalyn 202 myńnan astam gektar aýmaqty sharpyǵan.

Budan basqa, órt 1027 qurylys, sonyń ishinde 547 jeke turǵyn úı, segiz kóppáterli turǵyn úı, 131 kommertsııalyq emes nysan, segiz kommertsııalyq jáne turǵyn ǵımarat jáne 333 qosymsha qurylysty zaqymdady. Osylaısha, «Dıksı» shtat tarıhyndaǵy alapat apattardyń qataryna engizildi

Aıta ketsek, 14 shildede bastalǵan órt Kalıfornııanyń birneshe okrýginde órship, jaıylǵan.

Órt saldarynan úsh qutqarýshy zardap shekti.