Kalıfornııadaǵy atys: mert bolǵandar sany 9 adamǵa jetti
Telearnanyń málimetinshe, zardap shekken adam sársenbi kúni aýyr halde aýrýhanaǵa jetkizildi. Biraq kóp uzamaı kóz jumdy.
Sársenbi kúni jergilikti kólik basqarmasynyń qyzmetkeri San-Hosedegi temirjol deposynyń janynda oq atqan. Buǵan deıin habarlanǵandaı, atys saldarynan segiz adam qaza tapqan, olardyń arasynda basqarma qyzmetkerleri de bar. Amerıkalyq BAQ-tyń habarlaýynsha, quqyq qorǵaý organdary San-Hosede ózin-ózi óltirgen jankeshtiniń áreketiniń sebepterin anyqtaý maqsatynda tergeý júrgizýde. Bastapqyda polıtsııa qylmyskerdiń kózin joıǵany týraly habarlandy.
Santa-Klara okrýgi sherıfiniń orynbasary Rassell Devıs baspasóz máslıhatynda polıtsııa bolýy múmkin jarylǵysh qurylǵylardy izdep depo aýmaǵyn tekserip jatqanyn aıtqan. Olardyń bireýi tabyldy.
Bılik oq atqan adamnyń aty-jónin jarııalamaıdy. Alaıda, keshe AP agenttigi habarlaǵandaı, quqyq qorǵaý organdaryndaǵy derekkózderiniń málimetinshe, oq atqan – 57 jastaǵy Semıýel Kessıdı. Ol depoda 2012 jyldan beri jumys istegen. Polıtsııa onyń úıin de tintýde. Opat bolǵandardyń arasynda 29 men 63 jas aralyǵyndaǵy er adamdar bar.