Kalıfornııadaǵy orman órti munaı men gazdyń jetkizilýine qaýip tóndiredi

<p>ASTANA. KAZINFORM &mdash; Los-Andjelestegi munaı óńdeý zaýyttary órt shyǵý qaýpi men elektr qýatynyń úzilýine baılanysty qubyrlardy paıdalanýda qıyndyqtarǵa tap bolyp otyr, dep habarlaıdy FOX Business.</p>

Kalıfornııada jalǵasyp jatqan orman órtteriniń úılerge, kásiporyndarǵa jáne basqa ınfraqurylymǵa joıqyn áserinen basqa, baqylanbaıtyn órtter shtattaǵy jáne odan tys aımaqtardaǵy energııa aǵyndaryna zııan keltirýi múmkin.

Lipow Oil Associates prezıdenti Endı Lıpov shıki munaı, benzın, dızel jáne tabıǵı gaz jetkizilimderi áser etýi múmkin ekenin eskertti.

Órt áli Los-Andjeles pen Long-Bıch aýdandaryndaǵy munaı óńdeý zaýyttaryna qaýip tóndirgen joq, biraq birneshe qubyrǵa qaýip tónip tur.

Sarapshy Los-Andjeles aımaǵyndaǵy bes zaýyt Kalıfornııa úshin energııanyń 60% jáne Batys jaǵalaý úshin, sonyń ishinde Alıaska men Gavaıı úshin 40% óńdeıtinin atap ótti.

Hurst Fire jáne Easton Fire aýdandaryndaǵy shıki munaı jáne tabıǵı gaz qubyrlary, sondaı-aq Kinder Morgan West Line qazirdiń ózinde jabyldy. Olar Nevada men Arızonada tutynylatyn munaı ónimderiniń shamamen 60% qamtamasyz etken.

Jergilikti kommýnaldyq qyzmetterdiń aldyn alý sharalaryna baılanysty munaı-gaz ınfraqurylymy da jaryqsyz qalýy múmkin.

Qalyptasqan jaǵdaı energetıkalyq resýrstardyń jınaqtalýyna baılanysty munaı óńdeý zaýyttarynda óndiris kóleminiń tómendeýine ákelýi múmkin.

- Jergilikti, shtattyq jáne federaldy kúshter keıbir órtterdi ishinara aýyzdyqtaı aldy, dep habarlady Aq úı.

Osylaısha, Pasadenadaǵy órt 3%, Tynyq muhıtyndaǵy Palısadada – 8%, Ventýrada – 35%, Sılmarda 37% aýyzdyqtaldy.

Osy ýaqytqa deıin órt 10 myńnan astam úı men kásiporyndy sharpyǵan, 16 adam qaza tapqan.