Kalıfornııada alapat órt saldarynan 41 ǵımarat órtenip ketti
Kalıfornııa orman sharýashylyǵy jáne órtten qorǵaý departamentiniń málimetinshe, jalyn 73,2 sharshy shaqyrym ormandy alqapty qamtydy. Órt juma kúni Kalıfornııanyń ortalyq bóligindegi Marıposa okrýginde ornalasqan Iosemıtı ulttyq parki mańaıynda bastalǵan.
Seısenbidegi jaǵdaı boıynsha jalynnyń 26 protsenti aýyzdyqtaldy. Osy jumystarǵa 3 myń órt sóndirýshi men avıatsııa jumyldyrylǵan. 41 jyljymaıtyn múlik nysany órtenip ketti. 1440 ǵımarat áli de qaýip aımaǵynla tur.
Iosemıtı ulttyq parkine jaqyn jerdegi Ýoshbern qalasy mańyndaǵy basqa órt 19,7 sharshy shaqyrym ormandy joıyp jiberdi. Ormannyń 87 protsentindegi órtti sóndirýge úsh apta ketti. Qutqarýshylar órt sóndirý kezinde parktegi eń kóne ári alyp aǵashtardy saqtap qalýǵa tyrsyp jatyr.
Órt saldarynan jergilikti myńdaǵan turǵyn evakýatsııalanýǵa májbúr boldy. Kalıfornııa gýbernatory Gevın Nıýsom órttiń tez taralýyna baılanysty Marıposa okrýginde tótenshe jaǵdaı jarııalady.
Órt sóndirýshilerdiń málimetteri boıynsha bıyl Kalıfornııa shtatynda órt 214,5 sharshy shaqyrym ormandy joıyp jibergen. Oǵan qýańshylyq pen eldegi joǵary temperatýra sebep bolyp otyr.
Foto: english.news.cn