Kalıfornııa bıligi trassada 100-ge jýyq kólikke oq jaýdyrǵandardy taba almaı jatyr

NЬıÝ-IORK. QazAqparat – Kalıfornııa polıtsııasy sońǵy aıda osy shtattyń ońtústik bóligindegi joǵary jyldamdyqty birneshe trassalarda júzdegen avtokólikti, boljam boıynsha pnevmatıkalyq karýmen atqylaǵan bir nemese birneshe qaskúnemdi izdestirýde. Bul týraly QazAqparat CNN telearnasyna silteme jasap habarlaıdy.

Jergilikti jol polıtsııasynyń qyzmetkeri Djeı Sanchestiń aıtýynsha, osy oqıǵalardyń saldarynan Los-Andjeles, Orındj jáne Rıversaıd okrýgterinde bir adam kishigirim jaraqat alyp, birneshe avtokólik qatty zaqymdanǵan, sebebi aldyńǵy áıneksiz qalǵan. Kezekshi polıtseı ázirge qurbandardyń bolmaýynyń sáttilik ekenin atap ótti. Kúre joldar joǵary jyldamdyqty bolǵandyqtan, áınek pen dóńgelektiń zaqymdanýy jol-kólik oqıǵasyna ulasýy múmkin.

Atys túrli aýdandarda, túrli ýaqytta bolǵandyqtan, qaskóılerdi izdestirý qıynǵa soǵýda, deıdi polıtsııa. Sol sebepti quqyq qorǵaýshylar ázirge tipti atys bolǵan aýmaqtardy da anyqtaı almaı otyr.