Qalany durys josparlaý ólim-jitimdi azaıtady - Jýjanna ıAkob
Olar qalada ótip jatqan «Salaýatty qalalar» Eýropalyq jelisi merleriniń sammıti aıasynda ózara yntymaqtastyqtyń perspektıvalaryn talqylady.
Áńgime barysynda Jýjanna ıAkob DDU - nyń Almatymen, jalpy Qazaqstanmen yntymaqtastyǵy deńgeıin joǵary baǵalady. Sondaı-aq, salaýatty ómirdi qalyptastyrý men densaýlyq saqtaý salasyn modernızatsııalaýdyń oń nátıjelerin atap ótti.
«Jaıly qala keńistigin arttyrý, qoǵamdyq kólikti damytý, velosıpedshiler jáne sportshylar úshin qolaıly ınfraqurylymdy qalyptastyrý qala turǵyndarynyń densaýlyǵyn jaqsartady. Júrgizilgen zertteýler kórsetkendeı, qalany durys josparlaý onkologııalyq jáne júrek- qan tamyr aýrýlary saldarynan bolatyn ólim deńgeıin orta eseppen 25%-ǵa qysqartady eken. Almatynyń tájirıbesi tek Qazaqstan ǵana emes, Eýropa óńiriniń birqatar qalalaryna da paıdaly», -dep atap ótti DDSU Eýropa bıýrosynyń dırektory
Ol osydan 40 jyl buryn qabyldanǵan Almaty deklaratsııasynyń bastapqy medıtsınalyq-sanıtarlyq kómek kórsetýde qazirdiń ózinde ózekti qujat ekenin ári halyqaralyq deńgeıde mańyzdy ról atqaratynyn aıtty. DDSU qalamen yntymaqtastyqty keńinen damytýdy josparlap otyr jáne qala turǵyndarynyń salaýattylyǵyn jaqsartýdaǵy jumysty odan ári jalǵastyrmaq.
«Memleket basshysynyń Joldaýynda elimizdiń odan ári damýyna yqpal etetin qalalardy turaqty óristetýge erekshe mán berilgen. Jaıly jáne ekologııalyq qala keńistigin, UQYU elderindegideı sapaly bilim men densaýlyq saqtaý qyzmetin qalyptastyrý - bizdiń basty baǵyttarymyzdyń biri. Osy oraıda sapaly, joǵary damyǵan medıtsınalyq qyzmet kórsetýdegi ózge qalalardyń ozyq tájirıbesi bizge óte qyzyq», -dep atap ótti óz kezeginde Baýyrjan Baıbek.
Sammıt barysynda Almaty ákimi birqatar ekijaqty kezdesýler ótkizdi, onyń ishinde RF Vologod oblysynyń gýbernatory Oleg Kývshınnıkovpen, frantsýzdyń Renn, nıderlandtyq Ýtreht qalalarynyń basshylarymen júzdesti.