Qalamyzdyń qarjylyq jaǵdaıy óte qıyn - Aqtóbe ákimi
«Búgingi kúnde qalamyzdyń qarjylyq jaǵdaıy óte qıyn. Sebebi ataýly áleýmettik kómekti buryn Aqtóbe qalasynda 1 500 adam alsa, qazir olardyń sany 10 myńǵa jetti. ıAǵnı, 7-8 ese kóp. Oǵan qarjy bólindi. Az qamtylǵan, kópbalaly otbasylar da bar. Turǵyn úı salý qajet. «Báıterek» holdınginen qarjy alyp, úı salyndy. Ony óteý úshin oblystyq bıýdjet qalalyq bıýdjetten 10 qazanǵa deıin aqsha aýdarýǵa tapsyrma berdi. Soǵan 13,5 mıllıard teńge aqshany respýblıkaǵa tóledik. Búgingi kúnde qaladaǵy araq zaýyty qyzmetin toqtatyp, qala bıýdjetine 7-8 mıllıard teńge túspeı otyr. Sáıkesinshe tabys azaıǵan kezde keı salalardaǵy jumysty ýaqytsha toqtatýǵa týra keldi. Keıbirinen aqshany keri qaıtaryp alyp jatyrmyz. Ol da ońaı jumys emes. Jyl sońyna deıin tek memlekettik qyzmetkerlerdiń jalaqysyn tóleı alamyz», - dedi qala ákimi Mavr Abdýllın.
Shahar basshysynyń aıtýynsha, jalaqy qaryzy bolmaıdy. Qazirgi kezde keler jyldyń jospary jasalyp jatyr.
«Qaladaǵy aıaldamany ózgertý kezinde bıýdjetke salmaq salmaı, jeke kásipkerlerdiń kómegimen shyǵýǵa májbúr bolyp otyrmyz. Aldaǵy ýaqytta jol, qala sáýleti boıynsha jobalar kópshilikke usynylady. Saraptalyp, taldaý jasalady. Jyl aıaǵyna deıin qalanyń damýy boıynsha barlyq usynysty qabyldaımyz. Keler jyldan bastap jumys atqaramyz. Ol jumysty da qarap, qadaǵalaý úshin qoǵamdyq baqylaý kerek bolady. Ár sala, ár baǵyt boıynsha jumys toby qurylady. Qala ózimizdiki. Qalanyń ádemi kórikti bolýy úshin tek ákimdik emes, qala turǵany atsalysýy tıis. «Ákimdik qaıda qarap otyr, nege jasamaıdy» dep aıtatyn bolyp kettik. Sondyqtan bıýdjetten jaǵdaıyn ashyq aıtyp otyrmyz», - dedi Mavr Abdýllın.