Qalamy ushqyr, jaqsy jaza biletin jastar ósip kele jatyr - «Ulan» gazetiniń redaktory E.Jeńisuly

; ALMATY. Mamyrdyń 8-i. QazAqparat /Ádilet Musahaev/ - «Erlik pen Jeńis» taqyrybyna ótken baıqaý «Ulan» gazetiniń betinde sońǵy jyldary ótkizilgen sharalardyń ishindegi eń aýqymdasy boldy. Bul jaıynda atalmysh gazettiń redaktory Eseı Jeńisuly baıqaý jeńimpazdaryn marapattaý kezinde aıtty,

dep habarlaıdy QazAqparat.

Gazet redaktory alǵash Azat Sháýeev Jeńistiń 65 jyldyǵy men Baýyrjan Momyshulynyń 100 jyldyǵyna oraı baıqaý ótkizsek degen usynys jasaǵanda qýana qarsy alǵandyǵyn aıtady. «Óıtkeni bizdiń gazetimizdiń shyǵa bastaǵanyna 80 jyl tolyp otyr. Biz kóp jaǵdaıda úlken gazetterdi nasıhattaýǵa qushtarmyz jáne olardy arnaıy buıryqtarmen jazdyryp jatamyz. Alaıda úlken basylymdarǵa oqyrmandardy osy «Ulan» gazeti daıyndaıdy. Apta saıyn árbir qazaqtyń úıine «Ulan» sııaqty gazet baryp jatqan joq», deıdi E.Jeńisuly.

Sondaı-aq ol bul baıqaýǵa qatysýshylardan óte kóp hat kelgendigin jetkizdi. «Bir aıta ketetin jaıt, balalar esse degen janyrdy durys túsinbegen jaıy boldy, kóp jaǵdaıda atalarynyń qandaı soǵysta, qaı shepte bolǵandyǵyn, ómirbaıanyn jazǵan kezderi boldy. Degenimen qalamy ushqyr, jaqsy jaza biletin jastar ósip kele jatyr. Mine biz solardyń ishinen eń úzdikterdi anyqtaýǵa tyrystyq», dedi gazet redaktory.