Qalamgerler men dramatýrgter arasynda elge qyzmet etý, otanshyldyq taqyryptarynda baıqaý jarııalanady
Otyrys barysynda Elbasy QR Mádenıet jáne sport mınıstri Arystanbek Muhamedıulyna mádenıet salasyna bólingen qarjy durys paıdalanýy qajettigin basa eskertti. «Óz qundylyqtarymyz bar. Adaldyq, januıanyń birligi, elge qyzmet etý, otandy súıý degen máselelerde shyǵarmashylyq adamdarǵa baıqaý jarııalaý kerek. Jaqsy-jaqsy shyǵarmalar bolýy qajet. Bul jazýshy qaýymǵa, dramatýrgterge berilip otyrǵan keremet múmkindik qoı», - dedi QR Prezıdenti. Óz kezeginde mınıstr elimizdiń tarıhı oryndaryn sheteldik mamandarmen birlesip, zertteý jumystary qolǵa alynatyndyǵyn atap ótti. «Berelge nemisterdi shaqyrdyq, Tamǵalyǵa jaqyn arada Katardyń mádenıet mınıstri keledi. Biz solarmen birge atalǵan oryndardy zertteý úshin halyqaralyq mádenıet salasyndaǵy ınvestıtsııalardy ózimizde qoldanbaqpyz», - dedi A.Muhamedıuly.