Qalalyq avtobýstardyń 46 paıyzy tozǵan - mınıstr

NUR-SULTAN. QazAqparat – 2021 jyldyń 4 aıynda avtobýs kóligimen 1,8 mlrd jolaýshy tasymaldandy. Bul týraly halyqqa esep berý kezdesýinde QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«2021 jyldyń 4 aıy ishinde avtomobıl kóligimen 860 mln tonna júk, 1,8 mlrd jolaýshy tasymaldandy. Búginde 10,5 myń qalalyq avtobýstyń 46 paıyzy tozǵan, jyl saıyn 2 myńyn jańartý qajet. Osyǵan oraı bıyl jeńildetilgen lızıng boıynsha 22 mlrd teńge bólindi, ol qarajattan jyl basynan beri 3 óńirge 383 otandyq avtobýs jetkizildi», - dedi ol.

Mınıstrdiń aıtýynsha, qalalyq jolaýshylar tasymalyn damytý jónindegi sharalar kesheni aıasynda 2021 jylǵa áleýmettik mańyzy bar marshrýttardy sýbsıdııalaýǵa 58,1 mlrd teńge bólindi.

«Sonymen birge, osy jyldyń mamyr aıynda tuńǵysh ret avtokólik salasyndaǵy áleýmettik áriptestik jónindegi salalyq kelisimge qol qoıyldy. Ol sala jumyskerleriniń áleýmettik-eńbek quqyqtaryn qorǵaý sharalaryn kúsheıtýge múmkindik beredi. Avtobýs tasymaly, avtovokzaldar men avtostantsııalarǵa bólshek salyqtyń arnaýly salyq rejımi engizildi. Olar úshin 2023 jylǵy 1 qańtarǵa deıin 3 paıyz mólsherde qosymsha qun salyǵy belgilendi», - dedi Beıbit Atamqulov.