Qalalyq avtobýs tasymaldaryn damytý jónindegi keshendi sharalar ázirlendi
Atalǵan mınıstrlikke qarasty Kólik komıtetiniń deregine qaraǵanda, elimizde avtomobıl kóligimen júk tasymaldaý kólemi shamamen ótken jyldyń deńgeıinde saqtalyp otyr.
«Otandyq avtotasymaldaýshylardyń halyqaralyq júk tasymaldaý naryǵyndaǵy ustanymyn nyǵaıtý maqsatynda satyp alynatyn ershikti tartqyshtardy kádege jaratý alymynan jáne alǵashqy tirkeý alymynan bosatý jóninde sheshim qabyldandy. Sondaı-aq, qalalyq avtobýs tasymaldaryn damytý boıynsha sharalar kesheni ázirlendi. Ony iske asyrý saladaǵy problemalyq máselelerdi sheshýge, sondaı-aq kórsetiletin qyzmet sapasyn arttyrýǵa múmkindik beredi», - delingen vedomstvo málimetinde.
Sonymen qatar EAEO kólik dálizderi júıelerimen yqpaldastyrylǵan kólik qujattaryn basqarý júıelerin tsıfrlandyrý; halyqaralyq júk tasymaly úshin ruqsat berý júıesi rásimderin avtomattandyrý; elimizdiń avtobýs parkin jańartý sııaqty jumystar jalǵasady.
Eske sala keteıik, koronavırýs ınfektsııasynyń taralýyn boldyrmaý maqsatynda 2020 jyldyń 5-19 shilde aralyǵynda oblysaralyq jáne qalaaralyq avtobýstardyń júrýi toqtatyldy.
Karantın engizilgen sátten bastap QHR, Reseı, Qyrǵyzstan, Ózbekstan jáne Mońǵolııa avtokólikteriniń barlyq túrlerimen jolaýshylar men bagajdy eki jaqty tasymaldaý, onyń ishinde 117 turaqty baǵyt, sondaı-aq tranzıttik jolaýshylar tasymaly tyıyldy.