Qalalardy tıimdi basqarýdaǵy jańa úrdisterdi zerdeleý qajet – Memleket basshysy

ASTANA. QazAqparat – Astanalar men iri megopolıster – memlekettiń saıası, ekonomıkalyq jáne mádenı ómiriniń ózegi. Bul týraly Astananyń baýyrlas qalalary forýmynda Prezıdent Qasym-Jomart Toqaev aıtty, dep habarlaıdy QazAqparat tilshisi.

«Báseke deńgeıi joǵary jáne qubylmaly qazirgi álemde qalalardyń qarqyndy ári ornyqty damýy óte mańyzdy. Astanalar men iri megopolıster – memlekettiń saıası, ekonomıkalyq jáne mádenı ómiriniń ózegi. Olar memleketterdiń órkendeýinde jetekshi ról atqarady», - dedi Qasym-Jomart Toqaev.

Osy oraıda Prezıdent iri megapolıster ınvestıtsııalardy, ınnovatsııalyq tehnologııalardy, eń bastysy, adamı kapıtaldy tarta otyryp, qalalar orasan zor kúsh shoǵyrlanatyn ortaǵa aınalatynyn aıtty.

«Adamdar jáne olardyń shyǵarmashylyq qýaty, biregeı bilimi, kreatıvti ıdeıasy men otanshyldyq rýhy – ult jetistiginiń negizgi faktory. Sondyqtan qalalardy tıimdi basqarý jáne ýrbanıstıkadaǵy jańa úrdisterdi júıeli zerdeleý qajet. Bul másele bolashaqqa umtylǵan ár memleket úshin strategııalyq mańyzǵa ıe bola bastady», - dedi Memleket basshysy.