Qaladan shyqpańyzdar: Óskemende boranǵa baılanysty eskertý jasaldy

<p>Óskemen qalasynda polıtseıler halyqqa eskertý jasady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazir Óskemende qalyń qar jaýyp tur. Joldardy qar basyp, kólik júrgizýshilerine qolaısyzdyq týyndaýda.

Qala kósheleri tazalanyp jatsa, irgedegi ýchaskelerde áli de qar kóp.

Qatty boran da soǵyp, jaǵdaıdy qıyndatty.

Soǵan oraı polıtsııa qyzmetkerleri turǵyndarǵa eskertý jasady.

«5 jeltoqsanda „Óskemen-Tarǵyn-Samar“ tasjolynyń 55-75 shaqyrymy aralyǵynda qatty jel turyp, qarly boran soqty. Kóktaıǵaq ta qalyptasqan. Soǵan oraı azamattarǵa qaladan shyqpaýǵa keńes beremiz», — dep habarlady ShQO polıtsııa departamentiniń baspasóz qyzmetinen.