Qala qurylysy saraptamasynyń biryńǵaı ınstıtýty engiziledi

NUR-SULTAN. QazAqparat – Aýmaqtardy keshendi damytýdyń jańa standarttary ázirlenedi. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Prezıdenttiń tapsyrmasyna sáıkes Ulttyq ekonomıka mınıstrligi aglomeratsııalardy damytý jónindegi tujyrymdama men Zań jobasyn ázirlep jatyr. Bizdiń mınıstrlik halyqtyń jaıly ómir súrýine jaǵdaı jasaýǵa baǵyttalǵan Aýmaqtardy keshendi damytýdyń jańa standarttaryn ázirleıdi», - dedi mınıstr.

Onyń dereginshe, atalǵan standarttarǵa qala aýmaqtaryn keshendi damytý prıntsıpteri; qalalyq aýmaqtardy damytý standarty; bos aýmaqtardy ıgerý standarty; qalalardyń kelbetin qalyptastyrý standarty kiredi.

«Oǵan qosa barlyq deńgeıdegi qala qurylysy saraptamasynyń biryńǵaı ınstıtýty engiziledi», - dedi Beıbit Atamqulov.