Qala aýmaǵynda kúndiz avtokóliktiń shamyn jaqpaǵandarǵa aıyppul salynbaýy múmkin

<p>ASTANA. KAZINFORM &ndash; Qala aýmaǵynda kúndiz avtokóliktiń jaryq shamyn jaqpaǵandar aıyppul salynbaýy múmkin, ıaǵnı tek eskertý jasalady. Bul týraly búgin Parlament Májilisiniń jalpy otyrysynda &laquo;Jol júrisi týraly&raquo; Zańyna jekelegen kólik quraldary túrleriniń júrýin uıymdastyrý jáne jol qaýipsizdigin tsıfrlandyrý máseleleri boıynsha ózgerister men tolyqtyrýlar engizý týraly&raquo; zań jobasyn talqylaý kezinde málim boldy.</p>

«Kólik júrgizýshileri arasynda úlken taqyǵa túsken, qarsylyq tanytqan bir másele boldy. ıAǵnı kúndiz jaryq shamyn qalada jaǵyp júrýge qatysty osyǵan deıin biraz ýáj aıtyldy. Barlyǵyn mindettep, jaqpaǵandarǵa aıyppul salyndy. Endi qazir sol aıyppuldardy Ákimshilik kodeksten alyp tastaý usynylyp otyr. Jalpy, bul sheshimge ne sebep? Rasymen, kúndiz qalada jaryq shamyn jaǵyp júrý talaby jyldar boıy nátıje bermese, qarapaıym halyqty qınap, mıllıondap aıyppul salý talabyn engizý buǵan deıin ne úshin kerek boldy?» - dep surady Májilis depýtaty Nartaı Sársenǵalıev.

Óz kezeginde Májilis depýtaty Ekaterına Smyshıaleva qala aýmaǵynda kúndiz jaryq shamyn jaǵyp júrý talaby osyǵan deıin halyqaralyq quqyq aıasynda eskerilgenin aıtty.

«Halyqaralyq standarttarǵa sáıkes, bul shara kúndiz júrip jatqan avtokóliktiń durys kórinýin qamtamasyz etýge, kóliktiń kólemin durys baǵalaýǵa, ıaǵnı joldaǵy qaýipsizdikti kúsheıtýge qajet boldy. Endi jańa usynysqa toqtalsaq, osy normany qoldanýǵa taldaý jasadyq. Bul rette, eki nusqa bar – eskertý men aıyppul salý. Kúndiz jaryq shamyn jaqpaǵandarǵa qatysty eskertý jasaý jıi qoldanylatynyn anyqtadyq. Al aıyppul salý sırek kezdesedi. Sondyqtan qala aýmaǵynda eskertý (polıtsııa) jasaýmen shekteletin boldy. Al trassada burynǵy talaptar saqtalady», - dedi E. Smyshıaleva.