Kaka «Qaırat» fýtzal klýbynyń bas bapkeri qyzmetinen ketti

ASTANA. QazAqparat – Almatylyq «Qaırat» fýtzal klýby bas bapker Paolo Rıkardo Kakanyń qyzmetinen ketkeni jóninde málim etti, dep habarlaıdy QazAqparat tilshisi.

Brazılııalyq maman kelisimshart merziminiń aıaqtalýyna baılanysty klýbtaǵy qyzmetin aıaqtady.

Kaka almatylyq klýbqa qyzmetke 2018 jyly keldi. Sodan beri qazaqstandyq fýtzaldyń tanymaldyǵyn arttyrýǵa kúsh saldy. Onyń jetekshiligimen komanda túrli jarystarda 242 oıyn ótkizdi. Onyń 202-de jeńiske jetip, 21-de teń tússe, 19 márte qarsylasyna ese jiberdi.

Komanda 5 márte Qazaqstan chempıony atansa, tórt-tórtten Qazaqstan kýbogy men sýperkýbogyn tóbesine kóterdi. 2018/19 jyldary Chempıondar lıgasy fınalyna shyqsa, 2020/21 jyldary jartylaı fınalǵa deıin jetti.

Eske salsaq, budan buryn fýtzaldan Qazaqstan quramasy álemdik reıtıngide ornyn saqtap qalǵanyn jazǵan bolatynbyz.