Kaırde Naýryz merekesi toılandy

ASTANA. QazAqparat - Qazaqstannyń Kaırdegi Elshiliginiń ǵımaratynda Naýryz merekesi toılandy. Ulystyń Uly kúnin Elshilik ujymy, «ál-Azhar» ýnıversıteti jáne t.b. joǵary oqý oryndarynda oqıtyn qazaqstandyq stýdentter men dıaspora ókilderi erekshe qýanyshpen qarsy aldy.

Bul týraly elshiliktiń Feısbýktegi paraqshasynda habarlandy, dep habarlaıdy QazAqparat.

«Іs-sharanyń ashylý saltanatynda sóz sóılegen Elshi A.Isaǵalıev jurtshylyqty Naýryzben quttyqtap, bul merekeniń ejelden kele jatqan elimizdiń rýhanı baılyǵy ekenin, kóptegen halyqtardyń meıramy retinde ıÝNESKO Adamzattyń materıaldyq emes muralary tizimine engenin atap ótti. Sonymen qatar, ol elimizge damý men gúldený, barshaǵa baq-bereke, al stýdentter qaýymyna joǵary bilim alyp, elge tabyspen oralýlaryn tiledi» dep jazylǵan habarlamada.
 

Sondaı-aq, elshilik keltirgen málimetke sáıkes, merekelik is-shara ónerpaz stýdentterdiń kontserttik qoıylymdarymen jalǵasqan. Qazaqtyń ánin, kúıin jastar jarysa shyrqap, sahnalyq qoıylymdar kórsetilgen. Ulttyq sport oıyndary da tasada qalmaı, gir kóterý, qol kúresi, arqan tartý sııaqty sport túrlerinen bilekti jigitter kúsh synasty.
 

«Sonymen qatar, Naýryz kójeden bastap túrli qazaqtyń dámdi taǵamdary daıyndalyp, úlken dastarhan jaıyldy. Jalpy alǵanda, qazaqstandyqtar «Nil» jerinde bir jaǵadan bas, bir jeńnen qol shyǵaryp, eldigimizdiń ereksheligin kórsete bildi» delingen habarlamada.