Qaharman babalarymyzdyń arqasynda biz áleýetti memlekette ómir súrip jatyrmyz - Abaev

ASTANA. QazAqparat - QR Aqparat jáne kommýnıkatsııalar mınıstri Dáýren Abaev qazaqstandyqtardy 7 mamyr - Otan qorǵaýshy kúnimen quttyqtady.

«Qadirli Dostar! Barshańyzdy Otan qorǵaýshylar kúnimen jáne alda kele jatqan Jeńis kúnimen shyn júrekten quttyqtaımyn!

Oraılas kelgen qos mereke aıasynda Otanymyzdyń búkil tarıhynda el qorǵaǵan arystarǵa qurmet kórsetý, sondaı-aq qazirgi kúni halqymyzdyń amandyǵyn kirpik qaqpaı qorǵap júrgen erlerimizdi ulyqtaý - búgingi urpaqtyń paryzy», - dep jazdy ol Feısbýktegi paraqshasynda.  

Sondaı-aq, mınıstr el qorǵaýda qaharmandyqtyń eren úlgisin kórsetken babalarymyzdyń arqasynda biz birlik pen kelisim saltanat qurǵan áleýetti memlekette ómir súrip jatqanymyzdy aıtyp ótti.  

Quttyqtaý mátininiń sońynda ol qazaqstandyqtarǵa aq tilegin arnady: «Qarýly Kúshterimizdiń aıbyny asqaqtaı bersin! Aspanymyz ashyq, beıbit ómirimiz baıandy bolsyn».